Skólasöfn Kelduskóla

Skólasafnið í Vík er opið hluta úr degi á mánudögum, þriðjudögum, fimmtudögum og föstudögum.
Skólasafnið í Korpu er hins vegar opið alla virka daga á starfstíma skólans, enda er sjálfsafgreiðsla nemenda viðhöfð á safninu í Korpu við útlán bóka og nemendur í elstu bekkjum aðstoða við frágang bóka. Safnkosturinn er tölvuskráður og auðveldar það öflun og úrvinnslu upplýsinga í báðum söfnum.
Nemendur geta fengið lánaðar eina til tvær bækur heim til yndislesturs og eru foreldrar hvattir til að koma í heimsókn og aðstoða börnin sín að velja bækur. Nemendur fá einnig lánaðar ýmsar bækur til verkefnavinnu, bæði til að taka með heim en ekki síður til að vinna í skólanum. Hver nemandi má því hafa allt að fjórar bækur að láni í senn og útlánstími er tvær vikur.
Á skólasöfnum Kelduskóla er unnið út frá nýrri aðalnámsskrá og er lögð áhersla á að nemendur nýti sér þá tækni sem til er, öðlist hæfni í að afla upplýsinga af netmiðlum, nái tökum á úrvinnslu gagnanna og miðlun þeirra. Einnig er lögð áhersla á sköpun og að nemendur tileinki sér gott vinnulag, sjálfstæði í vinnubrögðum og hæfni í að vinna með öðrum.

Skólasöfnin eru einnig með síðu á Facebook sem hugsuð er fyrir nemendur sem hafa aldur til, foreldra og starfsmenn.
Skólasafnakennari er Ásgeir Eyþórsson.

Prenta | Netfang